Adieu (5)

           Adieu, doux ami    (ballade)

Oncques mes cuers ne senti
    Se dure doulour,
Com quant je me départi
    De ma douce amour.
Mais ce me rendi vigour
    Qu'elle vis à vis
Me dist par très grant douçour:   
    Adieu, dous amis.

De ce mot, quant je l'oÿ,
    La douce savour
Fut empreinte et fit en mi
    Mon cuer son séjour.
Lors ma dame au cointe atour
    Escript, ce m'est vis,
De sa belle bouche entour:
    Adieu, dous ami.

Si ne quier autre mercy
    De mon douz labour:
Car j'ay cent joies en mi
    Pour une tristour.
Quant la souveraine flour
    Dou monde et le pris,
Veut que je porte en s'onnour:
    Adieu, dous ami.
Guillaume de Machaut